fbpx
Alb'swiss TV
Argëtim

Cilat janë vitet më të lumtura dhe më të vështira të martesës

Jo të gjitha çiftet e kuptojnë se nevojitet përpjekje nga dy partnerët për një jetë të mirë familjare.
Sipas statistikave, rreth 950,000 e martesave në Evropë (nga gjithsej 2.1 milionë) eventualisht përfundojnë me divorc, transmeton Telegrafi.
Një studim nga “Slater and Gordon Lawyers” i ka identifikuar vitet më të lumtura dhe më të vështira të martesës.

3 vite martesë

Ekziston një mendim se dashuria zgjatë vetëm 3 vjet. Pas kësaj periudhe, çifti ose ndahet ose lidhja e tyre bëhet më pak ideale se ç’ka qenë më parë.
Në realitet, pas 3 viteve lidhje, njerëzit janë më të prirë t’i pranojnë dobësitë e partnerit dhe, rrjedhimisht, ndihen më komod.
Gjithashtu është e zakonshme se në vitin e tretë të jetës familjare çifti vendos të ketë bebe. Pra, vazhdimisht lidhja bëhet më e fortë. Është viti i tretë i martesës ai që besohet të jetë më i lumturi nga të gjithë.

5 vite martesë

Problemet e para reale mund të fillojnë në vitin e 5-të të jetës familjare. Gjatë kësaj periudhe kohore, fëmijët janë ende të vogël dhe kërkojnë shumë përkushtim.  Kjo është shumë e vështirë për ta kombinuar me punën, detyrat e shtëpisë dhe problemet tjera ditore.
Është pas 5 viteve së bashku atëherë kur çiftet fillojnë të mendojnë për divorcin dhe kërkojnë avokat. Ky vit besohet të jetë më i vështiri.

7 vite martesë

Nëse çifti qëndron së bashku pas 5 viteve martesë, atëherë edhe një pengesë tjetër i pret ata. Është viti i 7-të i jetës familjare ai të cilin specialistët e quajnë “muri”. Në këtë fazë, jeta familjare bëhet rutinë. Gjithashtu mund të ketë probleme financiare, probleme me kujdesin e fëmijëve dhe fjalosje për ndarjen e përgjegjësive në shtëpi.
Kjo është një periudhë shumë e komplikuar. Por, nëse bashkëshortët arrijnë ta kalojnë së bashku këtë sfidë, atëherë një martesë e lumtur dhe e fortë i pret ata. /Telegrafi/

Të ngjajshme

Cili nga këta persona është këngëtari Ramadan Krasniqi-Dani?

admin

Muhamed, emri më popullor për djem në Berlin

admin

Shqiptari bëhet protagonist në mediat e SHBA-së, ja gjesti i tij

admin

Si të organizoni pushimet vetëm me fëmijët?

admin

Ka ardhur episodi i 168-të i “O Sa Mirë”

admin

Videoja që po bën xhiron e botës: Djali që vallëzon pasi ia ngjasin këmbën e re protezë

admin
Loading...
Loading...
error: Content is protected !!