fbpx
albswiss.com
Shqipëri

Kosova dhe Shqipëria do të lidhen me Maqedoninë në “Rrugën e Arbërit”

Kryeministri shqiptar Edi Rama ka njoftuar se Tirana përmes autostradës do të bashkohet me Maqedoninë e Veriut.

Rama theksoi se për më pak se dy vite do të jetë gati “Rruga e Arbërit”, e cila fillon në kryeqytetin e Shqipërisë dhe mbaron në vendkalimin kufitar Bllatë afër Dibrës.

Me këtë, të dy vendet fqinje, Kosova dhe Shqipëria, do të kenë autostrada drejt Maqedonisë së Veriut.

Nga vendi nuk do të ketë autostradë deri në Dibër.

Kompetentët u përgjigjën se për vendin nuk është e leverdishme të ndërtohet autostradë për shkak se nuk ka logjikë ekonomike.

“Standardet ndërkombëtare kërkojnë që të ndërtohet një autostradë vetëm nëse më shumë se dhjetë mijë automjete në ditë kalojnë në atë seksion. Për momentin, në rrugën për në vendkalimin kufitar Bllatë afër Dibrës ka një numër dukshëm më të ulët të automjeteve. Në programin për vitin 2020 parashikohet rindërtimi i rrugës rajonale që çon në këtë vendkalim kufitar. “

Megjithatë, kryeministri shqiptar Edi Rama, theksoi se “Rruga e Arbërit” do të jetë gati deri në vitin 2021.

Ai thotë se autostrada në Shqipëri po ndërtohet përmes një Partneriteti Publiko Privat. Udhëtimi nga Tirana deri në kufirin e Maqedonisë së Veriut do të shkurtohet për më shumë se 100 kilometra, shkruan Alsat-M përcjellë Klan Kosova.

“Vazhdon ndërtimi i “Rrugës së Arbërit”, i cili do të ndërtohet jo vetëm për banorët e Peshkopisë. Ai është për të gjithë shqiptarët. Gjithashtu do të tërheqë shumë turistë drejt bukurive natyrore të Peshkopisë, që është një pjesë tjetër e bukurive tërheqëse të panjohura të Shqipërisë “-thekson kryeministri i Shqipërisë.

Një seksion që çon në vendkalimin kufitar Bllatë, është paralajmëruar shumë, ndërsa ka qenë edhe premtim i rregullt zgjedhor nga Bashkimi Demokratik për Integrim.

Autostradën “Rruga e Arbrit” gati tre vjet më parë e paralajmëroi kryeministri shqiptar Edi Rama në “Samitin 100” në Shkup.

Sa i përket lidhjes së autostradës me Kosovën, deri më tani pala e këtushme ka shpallur tender për zgjedhjen e një kontraktuesi për vetëm 2.5 km nga seksioni i gjatë rreth trembëdhjetë kilometra.

Nga Prishtina deri në Bllacë tashmë ka një autostradë që është vënë në funksion.

/Alb’swiss TV/

Të ngjajshme

“Ish- polici që u vra dje kishte shoqëri me Saimir Tahirin”

albswiss.com

Nesër arrin në Tiranë avioni ushtarak grek me ndihma pas tërmetit

albswiss.com

Milorad Dodik provokon nga Tiranë: Kosova është Serbi

admin