fbpx
Alb'swiss TV
Shqipëri

Ndahet nga jeta partizani i fundit, Meta: Vepra e Rrahman Parllakut nuk ndahet prej nesh

Është ndarë nga jeta gjenerali Rrahman Parllaku. Presidenti i Republikës ka bërë publik lajmin dhe i ka shprehur ngushëllimet e sinqerta familjes, për këtë humbje të madhe.

“Në udhëtimin e tij shekullor, Gjeneral Parllaku, jetoi luftën dhe paqen, fuqinë e pushtetit dhe persekutimin e pamëshirshëm, duke sfiduar kohët dhe regjimet, me përkushtim ndaj kombit, trimërinë dhe urtësinë e malësorit, shpirtin e lirisë dhe atdhedashurisë, duke mbetur i pathyer në çdo betejë që zgjodhi dhe iu imponua përgjatë 100 viteve”- shkruan Meta në Facebook.

Ja postimi i plotë i Metës:

Me pikëllim të madh dhe dhimbje të thellë mora lajmin e hidhur të ndarjes nga jeta të Gjeneralit legjendar Rrahman Parllaku, partizanit dhe komandatit fitimtar antifashist, qëndrestarit të pamposhtur të burgjeve komuniste, veteranit me arsye dhe zë të kthjellët në mbështetje të demokratizimit të Shqipërisë.

Në 75-vjetorin e çlirimit të Atdheut, ndarja e tij nga jeta është një humbje e madhe për të gjithë ne, që mësuam aq shumë nga vepra e tij, jo vetëm për karakterin e pathyer të njeriut të drejtë, por edhe për luftën, sakrificat sublime dhe kontributet e jashtëzakonshme të popullit tonë gjatë Luftës së II Botërore.

Duke u shprehur familjes Parllakut, të afërmve, miqve e dashamirësve të tij të shumtë, ngushëllimet më të sinqerta, jam i bindur se emri dhe vepra e tij nuk do të ndahen kurrë prej nesh!

Lamtumirë Gjenerali ynë fitimtar!

/Alb’swiss TV/

Të ngjajshme

​Kurti në Tiranë: Padrejtësi që nuk u hapën negociatat për Shqipërinë

albswiss.com

Mbi 300 vende të lira pune te Forcat e Armatosura

albswiss.com

Suedia konfirmon mbështetjen integrimit të Shqipërisë në BE

albswiss.com

Cakaj: U hapën 12 vende pune për diplomatë. Së shpejti shumë të tjera

albswiss.com

Vajza e Kadaresë në mbrojtje të Teatrit Kombëtar, vjen në protestë

albswiss.com

Paloka: Rama jep para për të përçarë PD-në

albswiss.com
error: Content is protected !!