fbpx
albswiss.com
Shëndetësi

5 Ushqimet e Duhura Për Pastrimin Rrënjësor të Gjakut

Lëngu i panxharit është një burim i pasur antioksidantësh. Foto: Flickr

Gjaku i njeriut grumbullon çdo ditë shumë toksina që vijnë nga ushqimet, ndotja por edhe stresi.

Ai ka nevojë të pastrohet sepse toksinat e tepërta ndikojnë tek imuniteti, paraqitja e lëkurës dhe shëndetin në përgjithësi.

Gjaku mund të pastrohet natyralisht nga mushkëritë, veshkat dhe mëlçia, nëse këto të fundit nuk janë të dëmtuara.

Megjithatë, njeriu mund ta ndihmojë trupin e vet që të pastrojë gjakun, duke ngrënë më shumë ushqime të shëndetshme.

Në këtë artikull të AlbSwiss.com do të zbuloni ushqimet më të mira që kanë veti pastruese të gjakut.

Brokoli

Brokoli është i pasur me kalçium, vitaminën C, acidet yndyrore omega-3, fibër, kalium, mangan e shumë minerale të tjera.

Ngrënia e rregullt e brokolit e ushqen gjakun me antioksidantë të cilët eliminojnë toksinat.

Frutat

Mollët, kumbullat dhe pjeshkët përmbajnë fibër e cila pastron gjakun nga toksinat dhe metalet e rënda.

Veç tyre, ekspertët e AgroËeb.org rekomandojnë edhe frutat e pyllit si luleshtrydhet dhe boronicat.

Barishtet

Barishtet janë të pasura me antioksidantë. Ato nxisin shtimin e enzimave të mëlçisë që përshpejtojnë procesin pastrues të gjakut.

Barishtet më të mira janë: kale, spinaqi, sallata jeshile e barishtet e egra.

Panxhari

Panxhari është burim natyral antioksidantësh që luftojnë inflamacionin dhe mbrojnë mëlçinë nga dëmtimet e ndryshme.

Lëngu i panxharit nxit prodhimin e enzimave që pastrojnë gjakun natyralisht.

Limoni

Uji i vakët me limon promovon shpërbërjen e depozitave yndyrore dhe lehtëson veshkat nga barra e pastrimit të organizmit nga toksinat.

Mineralet dhe vitaminat që gjenden tek limoni pastrojnë jo vetëm gjakun por janë të rekomanduara për të gjithë shëndetin.

Uji

Veshkat nxjerrin toksinat e gjakut nëpërmjet urinës. Për rrjedhojë, uji është një aspekt i rëndësishëm i këtij procesi.

Uji ndihmon në nxjerrjen më të shpejtë të toksinave nga trupi dhe për më tepër ju mban të hidratuar.

Ekspertët rekomandojnë pirjen e të paktën tetë gotave ujë në ditë./Alb’swiss TV/

Të ngjajshme

“Mami e keqe!… Pse unë duhet të fle”?

admin

Testi 5 minutësh që zbulon sëmundjen e Alzheimerit dhjetë vjet përpara se të shfaqen simptomat

admin

Nëntë ushqimet që mbajnë veshkat të pastra, parandalojnë gurët dhe inflamacionin

albswiss.com