fbpx
albswiss.com
Shqipëri

Nga atentati tek sulmet me eksploziv, kush është Elvis Gaçaj i arrestuar sot në Durrës

Por, kush është Elvis Gaçaj?

Gaçaj rezulton person me precedentë penalë, pasi është përfshirë në një sërë ngjarjesh kriminale. Në Prill të këtij viti, ai është arrestuar së bashku me Leonard Dukën në Tiranë, ndërsa armën e hodhën nga ballkoni i banesës sapo konstatuan policinë.

Në vitin 2015, Gaçaj ka qenë objektiv i një atentati te “Lulishtja 1 Maji”, në kryeqytet, ku u vranë dy persona, ndërsa ai mbeti i plagosur. Në këtë atentat, mbetën të vdekur gabimisht shtetasit Aurora Oskain dhe Kevin Rugova, ndërsa shpëtoi shoqja e Aurorës, Eda Gjura.

Sipas autorëve, shkaku i konfliktit mes tyre ishte sepse disa muaj para ngjarjes, i arrestuari në aksionin e sotëm, Elvi Gaçaj, u kishte propozuar që të punonin për të për të shpërndarë drogë, hashash, në zonën e Tiranës së Re dhe kompleksin sportiv “Dinamo”.

Gjithashtu, 44-vjeçari akuzohet dhe si personi që dispononte dhe financonte parcelat me hashash në zonën e Shëngjergjit. Elvis Gaçaj, 44 vjeç, brenda viteve 2013-2015 u kishte shpëtuar edhe dy atentateve të tjera, ndërkohë që sulmet e mëparshme për ta eliminuar ishin kryer me eksploziv, raporton Lapsi.al, transmeton Alb`Swiss.

Në atentatin e parë u plagos lehtë nga shpërthimi i një sasie tritoli në makinë. Atentati i dytë mbeti në tentativë, pasi lënda plasëse nuk shpërtheu. Gaçaj akuzohet se ka kryer një vrasje në vitin 1992 dhe një plagosje në vitin 2008.

/Alb’swiss TV/

Të ngjajshme

BE-ja është skeptike me planin e ri britanik për Brexit-in

albswiss.com

Klosi për të zhdukurit e Vlorës: Po i shmangen drejtësisë

admin

Shqiptarët heqin dorë nga cigarja

admin