fbpx
Alb'swiss TV
Kosovë

“Termokos” filloi sezonin e ri ngrohës

Ngrohtorja e qytetit të Prishtinës “Termokos”, sot zyrtarisht e ka filluar sezonin e ri.

Pasi kanë përfunduar me sukses të gjitha përgatitjet, testimet e nevojshme të rrjetit dhe të pajisjeve të ngrohjes, si dhe pasi janë analizuar me kujdes ndryshimet e temperaturave të ajrit, menaxhmenti i NP “Termokos”, ka marrë vendim, që sot, ashtu siç edhe parashihet me aktet ligjore në fuqi, të fillojë furnizimi me ngrohje.

Por, pasi që temperaturat e një pjese të ditës janë relativisht të mira, ndërsa mbrëmjet dhe mëngjeset përcillen me temperatura më të ulëta, furnizimi me ngrohje do t’iu përshtatet ndryshimit të temperaturave të ajrit.

Ndërkaq, ditëve në vazhdimësi të sezonit ngrohës, “Termokos” thotë se kapacitetet  e saj do të ngritën gradualisht varësisht nga temperaturat dhe nevoja e konsumatorëve për ngrohje.

“Duke u bazuar në suksesin e sezoneve të kaluara, që janë realizuar nëpërmes sistemit të koogjenerimit, kur kemi ofruar ngrohje të mjaftueshme dhe cilësore për të gjithë konsumatorët tanë, shpresojmë në suksesin e sezonit, që sapo kemi nisur”, thuhet në komunikatën e kësaj ndërmarrjeje publike.

Një risi e këtij sezoni ngrohës do të jetë kyçja për herë të parë në rrjetin e ngrohjes për disa objekte banesore dhe disa objekte institucionale, që do të realizohet në saje të Projektit për zgjerimin dhe rehabilitimin e rrjetit të ngrohjes me fondet e ndara nga Komisioni Evropian.

/Alb’swiss TV/

Të ngjajshme

“Veteranët e rrejshëm” i morën shtetit 22 milionë euro këtë vit

admin

Drecun: Haradinaj do t’a dëgjojë SHBA-në, do t’a heq taksën

admin

Shala në mbledhje të qeverisë kundërshtoi hyrjen e produkteve pa masë

admin

Kosnett takon fermerët: Fuqia më e madhe e Kosovës është populli

albswiss.com

Brikenda nga Peja ka nevojë për ndihmë financiare për transplantim të veshkës

admin

Limaj tregon se çka i kërkuan Kosovës zyrtarët e lartë amerikanë

admin
error: Content is protected !!