fbpx
Alb'swiss TV
Shqipëri

Sarandë: Sekuestrohen 26 kg drogë, në pranga dy persona

Policia e Sarandës ka sekuestruar 26 kg drogë, ndërsa ka vënë në pranga edhe dy shtetas.

Policia ka ndjekur dhe ka bllokuar një automjet në vendin e quajtur “Ura e Çukës” Sarandë i cili dyshohej se transportonte lëndë narkotike, shkruan Top Channel.

Menjëherë pas kontrollit të ushtruar në këtë automjet, në pjesën e bagazhit është gjetur dhe sekuestruar një sasi lënde narkotike prej 26 kilogramë e dyshuar e llojit kanabis sativa.

Njoftimi i Policisë së Sarandës:

Finalizohet operacioni antidrogë i koduar “Çuka”

Sekuestrohen 26 kilogramë kanabis sativa në një automjet.

Vihen në pranga dy shtetas

Në vijim të punës së pandërprerë për goditjen e rasteve në drejtim të fushës së narkotikëve dhe vendosjen e autorëve para përgjegjësisë penale, Strukturat e Narkotikëve pranë Komisariatit të Policisë Sarandë bashkë me Patrullën e Përgjithshme kanë bërë finalizimin e operacionit “Çuka” nëpërmjet informacioneve të marra në rrugë operative.

Në kuadër të këtij operacioni, në ndjekie e sipër u bë bllokimi i një automjeti tip Benz në vendin e quajtur “Ura e Çukës” Sarandë, i cili dyshohej se transportonte lëndë narkotike.

Menjëherë pas kontrollit të ushtruar në këtë automjet, në pjesën e bagazhit është gjetur dhe sekuestruar një sasi lënde narkotike prej 26 kilogram e dyshuar e llojit kanabis sativa.

Në vijim të veprimeve proceduariale, Policia ka arreatuar në flagrancë dy shtetasit që ndodheshin në mjet S.H., 47 vjeç dhe J.Xh., 30 vjeç, me banim në Ksamil, si autorë të veprës penale “Prodhimi dhe shitja e narkotikëve” kryer në bashkëpunim.

Materialet iu referuan Prokurorisë për veprime të mëtejshme.

 

/Alb’swiss TV/

Të ngjajshme

Shkodër, ra në humnerë, banorët dhe policia shpëtojnë turistin (VIDEO)

albswiss.com

Rama drejt Brukselit: Po bëhet maksimumi për të marrë PO-në e merituar

albswiss.com

I ndihmoi të ikte ilegalisht në Australi, arrestohet në Madrid shqiptari i dënuar me 10 vjet burgim

albswiss.com

Cakaj: Do të punojmë në shërbim të njohjeve të Kosovës dhe anëtarësimit në BE të Shqipërisë

albswiss.com

Nuk e morën në ekskursion 12 vjet më parë, shqiptari padit shkollën për 400 mijë euro

albswiss.com

Djathë kontrabandë nga Maqedonia e Veriut, arrestohet 32 vjeçari në Elbasan

albswiss.com
Loading...
Loading...
error: Content is protected !!