fbpx
Alb'swiss TV
Lajme Rinore

Nënkryetari i LDK’së: VV udhëheq Qeverinë, LDK Parlamentin

Loading...

Njeriu i dytë në LDK, Lutfi Haziri, ka thënë se Vetëvendosje duhet të udhëheq me Qeverinë e Kosovës kurse Partia e themeluar nga Ibrahim Rugova duhet të udhëheq me Parlamentin.

“Një ndarje e drejtë dhe e balancuar e pushtetit mbi parimet e mirëbesimit do të bënte që programi qeverisës, me VV’në udhëheqëse të Qeverisë e LDK’në udhëheqëse të Parlamentit, do t’i jepnin fuqi koalicionit. Do t’i jepnin mirëbesim dhe shkathtësi për t’u përballur me situatën politike, pasi agjenda politike është jashtëzakonisht e rëndë karshi faktorit ndërkombëtar, karshi opozitës së organizuar, karshi Qeverisë së re”, ka shkruar Haziri, në një postim në Fb.

“E kaluara në bashkëqeverisje ka dëshmuar qartë se ne jemi gardianë të interesave të kësaj republike përmes LDK’së dhe vetëm përmes LDK’së. Partitë e tjera politike nuk i shohim si armiq, por si rivalë politikë. Do të ketë nevojë të punohet 24 orë në ditë e 7 ditë në javë në mënyrë që të kthehet besimi i qytetarëve, mërgimtarëve dhe ndërkombëtarëve në republikë.Apeloj që të kemi edhe pak durim, sepse këto konsultimet e brendshme na mundësojnë që të eliminojmë çdolloj pengese dhe çdolloj bombe të kurdisur të mandatit 4+”, ka shtuar ai.

Një ndarje e drejtë dhe e balancuar e pushtetit mbi parimet e mirëbesimit do të bënte që programi qeverisës, me VV’në…

Posted by Lutfi Haziri on Sunday, January 26, 2020

Të njëjtat deklarata i ka dhënë sot edhe në intervistën për Gazetën Express. Aty ka thënë se në parim, koalicioni me Vetëvendosjen ka ndodhur, por po diskutohen vetëm detajet e marrëveshjes.

E ka konfirmuar takimin e së premtes mbrëma ndërmjet ekipeve të LDK’së dhe Vetëvendosjes, por s’e ka treguar vendin ku i shtrënguan duart Isa Mustafa e Albin Kurti.

“Nuk mund të flas për vendin dhe mënyrën se si liderët komunikojnë. Por, takimi i fundit ka qenë i formatit ekipor”, ka thënë Haziri, në një intervistë ekskluzive për Express.

Kryetari i Gjilanit ka thënë se dy partitë tash kanë mbetur t’i zhvillojnë konsultimet për t’u ulur në një takim të ri dhe për ta nënshkruar marrëveshjen për ndërtimin e Qeverisë së re.

“LDK s’e ka diskutuar asnjëherë dhe ka ndërtuar standardin se fituesi e merr Kryeministrin, ndërsa ne si parti e dytë, në këtë rrafsh, do të duhej të na takonte pozita e Kryeparlamentarit”, ka thënë Haziri.

Njeriu i dytë në LDK për një kohë s’ka dalë në publik pasi i ka pasur disa probleme shëndetësore që tashmë i ka tejkaluar.

Lutfi Haziri ka folur edhe për fushatën që dikur Vetëvendosja ia bënte atij dhe tash Agim Veliut. Ka thënë se partia e themeluar nga Ibrahim Rugova asnjëherë s’do të shndërrohet në plastelinë e as trampolinë për dëshira të asnjë partie e inpidi.

“Por nuk do të lejojmë që LDK’në si organizatë politike dikush ta konsiderojë plastelinë që formohet si duan të tjerët, siç është thënë edhe nga disa funksionarë edhe të Vetëvendosjes. LDK’ja nuk do të jetë as si trampolinë politike për të realizuar aspirata politike që disa të tjerë kanë menduar më herët“, ka shtuar Haziri.

Loading...

Të ngjajshme

Sapo bëri ndryshimin e madh, kështu po duket Learta me pamjen e re

albswiss.com

Mbulohet Morena

albswiss.com

LVV-ja dhe LDK-ja përballen për taksën

albswiss.com

Haradinaj: Kurti u tha amerikanëve që e heq taksën veç më mbroni prej Ramushit

albswiss.com

Interesim i pandryshuar i serbëve për t’iu bashkuar Policisë së Kosovës

admin

Luana vishet me fustan plot lule, por me këtë detaj la ‘pa mend’ ndjekësit

albswiss.com