fbpx
Alb'swiss TV
Lajme

Kur do të vendoset reciprociteti, flet ministrja e Tregtisë

Ministrja e Tregtisë tregon se kur do të vendoset reciprociteti.

Ministrja e Ekonomisë, Punës, Tregtisë, Industrisë, Ndërmarrësisë dhe Investimeve Strategjike, Rozeta Hajdari, takoi përfaqësues të CEFTA’s, ku biseduan rreth pikave të rëndësishme për të eliminuar barrierat tregtare dhe për të fuqizuar rolin e Kosovës në integrimin rajonal.

Me këtë rast, ministrja u zotua se do të procedojë “Protokollin Shtesë 5 dhe 6” të CEFTA’s në Parlamentin e Kosovës për t’i ratifikuar në një periudhë sa më të shpejtë. Ndërsa, në “Protokolli Shtesë 7”, ajo do të angazhohet që procedurat në Qeveri të përfundojnë sa më shpejt në mënyrë që të kemi zyrtarisht Ekipin negociator të Kosovës.

“Për ne është e rëndësishme që të avancojë ky proces pasi që do të fuqizonte mekanizmin e zgjidhjes së mosmarrëveshjeve tregtare, e që fatkeqësisht rajoni jonë përballet vazhdimisht me barriera tregtare. Për ne është e rëndësishme që të kemi një bashkëpunim të shëndoshë me të gjitha vendet e rajonit, duke punuar në mënyrë aktive për eliminimin e të gjitha barrierave jo-tarifore, prandaj kërkoj një rol edhe më aktiv të Sekretariatit të CEFTA’s në drejtim të identifikimit dhe zgjidhjes së barrierave tregtare”, u shpreh Hajdari.

Ajo potencoi se shpreson që procesi i njohjes së kualifikimeve profesionale të avancojë dhe u zotua se Sekretariati do ta ketë përkrahjen e saj në këtë proces për të gjetur zgjidhjen më të mirë të mundshme në rrethanat aktuale në të cilat gjendet rajoni ynë.

Kurse, sa i përket ‘tarifës 100% dhe reciprocitetit’, Hajdari bëri të ditur se jemi duke i shqyrtuar të gjitha mundësitë dhe së shpejti do të dalim me një propozim, por sigurisht duhet të kuptohet drejtë se Kosova ka qenë e detyruar që të veprojë në këtë mënyrë, duke marrë parasysh qasjen dhe diskriminim që i është bërë Kosovës në raportet tregtare nga vendet anëtare të CEFTA’s.

Të ngjajshme

28 të shëruar dhe vetëm një rast i ri me koronavirus në Kosovë

albswiss.com

Ministri Vitia tregon pse nuk po hapen xhamitë

albswiss.com

Lorik Cana me mesazh emocional për të prekurit nga tërmeti në Shqipëri

news

Gjatë këtij viti, gjashtë punëtorë kanë humbur jetën në vendin e punës

albswiss.com

Bilanci i të infektuarve dhe të shëruarve me koronavirus në Kosovë

albswiss.com

Kërkohet të ndërpritet gjurmimi i kontakteve, rekomandohen testime serologjike

albswiss.com
Loading...
Loading...
error: Content is protected !!