fbpx
Alb'swiss TV
Lajme

Qeverisë nuk i ngutet, SHBA-ja këmbëngul në rinisjen e shpejtë të dialogut

Loading...

SHBA-ja këmbëngul në rinisjen e shpejtë të dialogut, Qeverisë nuk i ngutet.

Shtetet e Bashkuara të Amerikës kanë shpeshtuar thirrjet për heqjen e taksës së vendosur ndaj produkteve serbe pas formimit të qeverisë së re të Republikës së Kosovës.

Përmes një letre drejtuar kryeministrit Albin Kurti, sekretari amerikan i Shtetit Mike Pompeo ka kërkuar largimin e tarifës 100 për qind dhe kthimin e palëve në tavolinën e bisedimeve.

Sipas tij, tanimë është koha që mes Kosovës dhe Serbisë të krijohen raporte normale, të cilat në fokus kanë njohjen reciproke mes dy shteteve, shkruan sot gazeta “Zëri”.

Sekretari i Shtetit të SHBA-së, Mike Pompeo, ka kërkuar nga kryeministri i Republikës së Kosovës, Albin Kurti, heqjen e taksës ndaj mallrave serbe.

Përmes një letre, e cila ka ardhur në adresë të Kurtit pak pas votimit të Qeverisë, Pompeo ka thënë se heqja e tarifës 100 për qind do të jetë e rëndësishme për kthimin e palëve në tryezën e bisedimeve.

Në anën tjetër, ditë më parë kryeministri Kurti ka paralajmëruar zëvendësimin e taksës me masën e reciprocitetit, por nuk ka bërë të ditur se kur do të ndodhë një gjë e tillë. Por Kurti ka thënë se Qeveria nuk do të ngutet sa i përket rinisjes së procesit të negociatave, ndonëse ka pohuar se ky proces nuk do të neglizhohet, shkruan tutje “Zëri”.

Se dialogu me Serbinë nuk do të jetë çështje urgjente ka pohuar edhe zëvendëskryeministri i Kosovës Haki Abazi. Sidoqoftë, gjatë një bisede për gazetën Abazi ka bërë të ditur se Qeveria është duke punuar rreth strategjisë për rikthimin e bisedimeve me palën serbe.

Loading...

Të ngjajshme

SKANDALOZE : Në Gjenevë "MANOR" mashtron me çmime!

admin

Prangosja e dy edukatorëve, ky është lajmi i fundit nga Gjykata Themelore në Prishtinë

albswiss.com

Albin Kurti e Edi Rama shtrëngojnë ftohtë duart në Londër

albswiss.com