fbpx
Alb'swiss TV
Lajme

Pal Lekaj ka një kundërpërgjigje për Albin Kurtin

Ish-ministri Pal Lekaj i ka dhënë një kundërpërgjigje për Albin Kurtin.

Ish-ministri i Infrastrukturës, Pal Lekaj, ka reaguar pas deklaratave të fundit të kryeministrit të Kosovës, Albin Kurti, lidhur me marrëveshjet e nënshkruara në Munih mes Kosovës dhe Serbisë.

Kurti ka deklaruar se marrëveshja për hekurudhat dhe ajo për autostradat mes Kosovës dhe Serbisë u nënshkruan nga zyrtarët e Lekajt dhe pa njohurinë e tij.

“Sot në Munih janë nënshkruar dy marrëveshje nga zyrtarë të autorizuar nga ish-ministri Pal Lekaj dhe i gjithë procesi i negocimit është bërë para fillimit të Qeverisë sonë. Së këndejmi, këta zyrtarë nuk kanë marrë autorizim nga Qeveria e re as për të negociuar e as për të nënshkruar marrëveshje. Për më tepër as teksti i marrëveshjes nuk është bërë i njohur për publikun e për Qeverinë. Kanë qarkulluar drafte të ndryshme jozyrtare”, ka thënë Kurti.

Ndërkaq, Lekaj i është kundërpërgjigjur, duke thënë se Kurti “ka pasur të gjitha mundësitë dhe kompetencat për t’iu bashkangjitur këtij procesi”.
Nëpërmjet një shkrimi në Facebook, Lekaj ka thënë se “kryeministri Kurti duhet të kuptojë që tashmë nuk është në opozitë. Është koha e veprave jo e fjalëve”.

“Ai nga 3 shkurt 2020 ka të gjitha autorizimet të veprojë duke kërkuar informacione për marrëveshjet e Berlinit dhe Mynihut”, është shprehur Lekaj.
“Ka pasur të gjitha mundësitë dhe kompetencat për t’iu bashkangjitur këtij procesi, por ende nuk është vonë nëse ka dyshime ose mospajtime t’i shfuqizojë këto marrëveshje”, përfundon shkrimi i Lekajt.

Të ngjajshme

Zj arri pë rpin ven din e kangurëve, fytyra e dja llit del mes fl akësh

albswiss.com

Publikohet orari për qarkullim në bazë të numrit të parafundit të letërnjoftimit

albswiss.com

I infektuari me koronavirus nuk ka pasur kontakt me askënd në Ferizaj

albswiss.com

Këshilltari i Pacollit vë në pikëpyetje votën e liderit të AKR-së për Qeverinë Hoti

albswiss.com

Tha se ndryshoj mendje pas takimit me presidentin dhe kreun e AAK-së, KDI i reagon ashpër Haxhi Shalës

albswiss.com

Paralajmëron Daka: Votat mund të numërohen nga fillimi

albswiss.com
Loading...
Loading...
error: Content is protected !!