fbpx
Alb'swiss TV
Lajme

Isa Mustafa del kundër idesë që bizneset të mos punojnë të dielave

Loading...

Kreu i LDK-së Isa Mustafa ka reaguar ndaj idesë së VV’së që dita e diele të jetë ditë pushimi për të gjitha bizneset private.

Mustafa ka kundërshtuar iden e VV’së duke e parë si një gjë të pa pranueshme, ai thekson se nuk është nevoja që qytetarët e Kosovës të shërbehen me në Shkup e Tiranë me blerje në vikend sepse këto mund të i bëjnë edhe në Kosovë.

Ai thotë se cila është arsyeja që “në këtë ditë turistët dhe vizitorët nuk mund të gjejnë shërbime në Kosovë? Ku qëndron arsyeja që për një ditë në javë të ulet kërkesa agregate në treg te ne, me efekt negativ në brutoproduktin vendor dhe në punësim, dhe kjo kërkesë të zhvendoset jashtë Kosove?”, ka shkruar Mustafa në Facebook.

Ai ka kërkuara nga Autoriteti i Konkurrencës të shqyrtojë vendimet e disa komunave për të ndaluar punën ditën e diel, në pikëpamje të cenimit të konkurrencës së lirë dhe të ndikimit në sektorin privat.

Ja statusi i plotë:

Pse të mos punohet ditëve të diela? Kush ka bërë analiza dhe ka ardhur në përfundim se mbyllja e dyqaneve, shërbimeve, aktiviteteve ekonomike ditën e diel nëpër komuna është në interes të publikut, të punësimit dhe të zhvillimit ekonomik?

Se kjo siguron 8 orë punë në ditë dhe 40 orë në javë?

Mendoj që askush, sepse vështirë është të bashkëjetojë koncepti i ekonomisë së lirë të tregut dhe i promovimit të sektorit privat si promotor i zhvillimit me ndërhyrje arbitrare në treg nga disa komuna, duke e marrë rolin e rregullatorëve ekonomik.

Pse ditëve të diela, qytetarët e Kosovës mund të blejnë dhe të shërbehen në Shkup e në Tiranë por jo në qytetin e tyre dhe nga bizneset kosovare. Pse të dielave paratë tona mund ti shpenzojmë në vendet tjera por jo në Kosovë dhe pse në këtë ditë turistët dhe vizitorët nuk mund të gjejnë shërbime në Kosovë? Ku qëndron arësyeja që për një ditë në javë të ulet kërkesa agregate në treg te ne, me efekt negativ në brutoproduktin vendor dhe në punësim, dhe kjo kërkesë të zhvendoset jashtë Kosove?

Kjo është vështirë të argumentohet me mendje racionale por arësyetohet shumë lehtë me diletantizëm.
Prandaj shoh arësye që Autoriteti i Konkurrencës të shqyrtojë vendimet e disa komunave për të ndaluar punën ditën e diel, në pikëpamje të cenimit të konkurrencës së lirë dhe të ndikimit në sektorin privat.

Do të ishte e rrugës që bizneset të vendosin për ditët që punojnë e nuk punojnë duke e respektuar ligjin dhe orët javore të punës.

Tendenca për rregullim administrativ të ekonomisë dhe të jetës së qytetarëve është recidiv i kohëve të kaluara, si e tillë shkakton deformim të sistemit ekonomik në vendin tonë.

Loading...

Të ngjajshme

Ky mot pritet të mbaj sot në Kosovë

albswiss.com

Shqiptarët hakm.erren për sul.min ndaj kosovarëve në Shkup, ja çfarë bërën…

albswiss.com

Vdekja e 70 vjeçares, Korisha futet në karantinë, testohen 25 persona që patën kontakt me të

albswiss.com