fbpx
Alb'swiss TV
Lajme

Zemaj: Do të ndërtohet spital i përkohshëm veç për të prekurit me COVID-19

zemaj:-do-te-ndertohet-spital-i-perkohshem-vec-per-te-prekurit-me-covid-19

Ministri i Shëndetësisë thotë se do të ndërtohet spital i përkohshëm veç për të prekurit me COVID-19.

Ministri i Shëndetësisë, Armend Zemaj ka paralajmëruar ndërtimin e një spitali portativ vetëm për pacientët e infektuar me Covid-19.

“Krahas masave që do t’i marrim menjëherë, jemi duke punuar në lehtësimin e funksionimit të sistemit shëndetësor, me riorganizimin e ambulancave specialistike dhe me krijimin e një spitali portativ vetëm për pacientët me COVID-19, pasi jemi të vetëdijshëm se me ngarkimin e QKUK-së po rritet mundësia e infektimit me COVID-19 edhe e pacientëve që janë aty për trajtime të tjera”, ka thënë Zemaj.

Ai tha po ashtu se nga e hëna do të fillojë licencimi i spitaleve private për realizimin e testeve serologjike dhe atyre molekluare.

“Nga e hëna do të fillojë licencimi i laboratoreve private për realizimin e testeve serologjike dhe atyre molekulare”, ka thënë ai.

Ministri tutje ka thënë se pas rritjes së rasteve me Covid-19 do të fillojnë me ashpërsimin e zbatimit të masave.

“Mbrëmë, unë vetë isha dëshmitar në terren, por gjithashtu kam marrë mijëra mesazhe nga qytetarët e shqetësuar. Prandaj, nga sot në koordinim me Policinë, AVUK-in dhe Prokurorinë e Shtetit, konform legjislacionit, do të fillojmë me ashpërsimin e zbatimit të masave”, ka thënë Zemaj.

Në gjithë Kosovën deri tash kanë vdekur 237 persona, janë infektuar më shumë se 8 mijë e 500 dhe janë shëruar më shumë se 4500 pacientë. Aktualisht, në spitalet e Kosovës janë duke u trajtuar rreth 600 pacientë derisa po paralajmërohet se po përfundojnë kapacitetet spitalore shkaku i numrit të madh të të infektuarve me COVID-19.

Të ngjajshme

​Limaj mbledhë në Tiranë ministrat e dy Qeverive

admin

Çekia skanddal me presidentin Thaçi, çfarë bëri policia e këtij shteti?

albswiss.com

VV-ja e LDK-ja s’tregojnë publikisht se janë pajtuar për mbylljen e AKP-së

albswiss.com

Përçarje të koalicionit? Mustafa: Sa ta marrë veten, do të takohem me Haradinajn

albswiss.com

Komuna shërben shujtat sot nga ora 12:00 në dy lokacione të Prishtinës

albswiss.com

Kur do të largohet Vlora Çitaku dhe ambasadorët tjerë?

albswiss.com
Loading...
Loading...
error: Content is protected !!