Alb'swiss TV
Lajme

Brenda mureve të burgut famëkeq, ku u maltretuan mizorisht shqiptarët

brenda-mureve-te-burgut-famekeq,-ku-u-maltretuan-mizorisht-shqiptaret

Burgu famëkeq që panë maltretimin mizorë të serbëve ndaj shqiptarëve

Në muret e këtij podrumi, i cili dikur shërbente si burg, janë ende gjurmët dhe emrat e shqiptarëve, ish të burgosur politikë, të cilët u maltretuan, u dënuan e u persekutuan nga regjimi i UDB-së në vitet 50-ta dhe 60-ta.

Ditë, muaj e vite i kaluan në këto dhoma, pa dritë nën lagështi e tortura çnjerëzore, shqiptarët të cilët atë kohë u angazhuan më të vetmin qëllimin që të jetojnë dinjitetshëm në sistemin e atëhershëm të Rankoviqit.

Atë kohë, ambientet e kësaj ndërtese ka funksionuar UDB-a serbe, ku për shkak të bindjeve politike një numër të madh të shqiptarëve të rajonit të Prizrenit i kanë maltratuar në mënyrën më mizore.

Tani bodrumi që shërbente burg për shqiptarët, do të shndërrohet në muze.

Drejtori i Qendrës Rajonale për Trashëgimi Kulturore në Prizren, Samir Hoxha pret që vitin e ardhshmë të nis restaurimi i ndërtesës dhe të shndërrohet në hapësirë muzeale.

Ai thotë se po punojnë në një dokumentar dhe intervistat e ish-të burgosurve të cilët i kanë mbijetuar torturës.

Me funksionalizimin dhe shndërrimin e ndërtesës në hapësirë muzeale, do të shpalosen dhe vizualizohen pamjet të shoqërisë shqiptare në kushtet e një regjimi që synonte shtypjen e popullit me dekada të tëra.

Të ngjajshme

Kjo është mosha e 4 viktimave të fundit nga COVID-19 në Kosovë

albswiss.com

Prokurorja Speciale kërkon që gjykimi ndaj krerëve të UÇK-së të nis në verën e vitit të ardhshëm

albswiss.com

Brenda një dite dy pacientë vdesin nga Covid-i në Spitalin e Gjilanit

albswiss.com