Hernandez zbulon si e bindi Maldini që t’i bashkohet Milanit – Alb'swiss TV
Alb'swiss TV
Sport

Hernandez zbulon si e bindi Maldini që t’i bashkohet Milanit

hernandez-zbulon-si-e-bindi-maldini-qe-t’i-bashkohet-milanit

“Maldini më bindi me një kafe, pas pushimeve Ibra u tall me mua për shkak të peshës!”.

Sekreti i Milanit, që ëndërron titullin, është gjithashtu në korsinë e majtë. Theo Hernandez po e propozon veten si një nga mbrojtësit më të mirë në kampionatin italian. Vetëm një befasi e pjesshme, pasi e kishte treguar talentin e tij edhe në Spanjë. Për “Sportweek”, ai tha se vetëm te kuqezinjtë, me Piolin trajner gjeti vazhdimësinë:

“Unë kurrë nuk kam shënuar aq shumë sa këtu, Pioli më thotë të shkoj përpara, të shtyj. Dhe pastaj të kthehem. Kështu që shtyj përpara dhe kur shoh portën kundërshtare, gjuaj pa hezitim. Pastaj është Ibra që bërtet, sepse ai do topin”.

Te Milani, Theo mori atë që i mungonte në Madrid: hapësirë dhe besim. Me këshillat e Paolo Maldinit: “Ndoshta isha shumë i ri, nëse nuk luan është e vështirë të provosh sa vlen. Pioli menjëherë më dha besim.

Dhe unë u ngazëlleva. Maldini më bindi shpejt, në kohëzgjatjen e kafes që pimë. Ai më telefonoi dhe u bashkuam në Ibiza. Nuk po e besoja që po merrja ofertën pikërisht nga një legjendë si ai. Deschamps? Po pres, ai nuk më ka telefonuar akoma”.

Te kuqezinjtë, ai ndien shtytjen e Zlatan Ibrahimovic, i cili erdhi pas tij, por luajti një rol kryesor në rritjen e grupit: “Ibra na dha kurajo, na jep shumë këshilla, madje ndonjëherë edhe na qorton, por gjithmonë për të na motivuar.

Kur u ktheva nga pushimet, ai më tha: ku po shkon me 90 kilogramë? Ai gjithashtu tha se jam i fortë dhe se duhet të bëhem më i miri, por duhet të punoj shumë. Ne e ndjekim atë, edhe në stërvitje japim gjithçka, gjithmonë”.

Gara për “Scudetto”, pavarësisht se Interi ka nisur arratisjen, sipas Theo është ende plotësisht e hapur:

“Interi është përpara, por në ndjekje jemi ne, Roma, Juve. Dy vite më parë ishte vetëm Juve. Ne jemi atje dhe do të luftojmë deri në fund. Interi është një ekip i mirë, por Juve është më e fortë. Nuk ka mbaruar, gjithçka është akoma e hapur”.

Të ngjajshme

Dembele dhe Barcelona nisin negociatat

albswiss.com

Ronaldo synon shumë gola për t’iu afruar rekordit historik

albswiss.com

Bayerni fiton me rikthim ndaj Dortmundit

albswiss.com