Shkrimitari nga Vitia i cili jeton në Zurich, Ismet Rashiti, përmes rrjetit social Facebook ka bërë të ditur se ka ndërruar jetë, Ilaz Bajrami nga Devaja e Vitisë, i cili ka qenë aktivist i çështjes kombëtare që nga vitet e 80-ta.
KA NDRRUAR JETË ATDHETARI ILAZ BAJRAMI NGA DEVAJA E VITISË
Paska ndrruar jetë veprimtari i përkushtuar i çështjes kombëtare, Ilaz Bajrami- Kosova. Njeri i vendosur dhe patriot i devotshëm deri në fund. Ka lindur në fshatin Devajë të Vitisë, me 13 qershor 1943.
Ilaz Bajrami ka jetuar dhe vepruar në Gjenevë të Zvicrës, por gjithëmonë ishte aty ku e kërkonte çështja shqiptare.
Ka qenë njëri ndër anëtarët e orëve të para i klubit patriotik, “Ikballe Prishtina” në Gjenevë dhe anëtar i LPRK -së që nga data 03 qershor 1983.
Pjesëmarrës në të gjitha tubimet dhe demonstratat për Republikën e Kosovës.
Ilaz Bajrami-Kosova do të mbetet gjithëmonë në kujtesën e popullit shqiptarë si një atdhetar i devotshëm që dha shumë për çlirimin e Kosovës dhe bashkimin e trojeve shqiptare! Për këtë qëllim ishte i përndjekur politik dhe për disa vite rresht nuk ka qenë në Kosovën e tij të dashur.
I përjetshëm qoftë kujtimi për atdhetarin Ilaz Bajrami-Kosova!
