Kandidatja nga radhët e Lëvizjes Vetëvendosje për Kuvendin Komunal në Komunën e Gjakovës, Mimoza Shala, ka thyer heshtjen zgjedhore.
Përmes një postimi në Facebook, ajo ka bërë të ditur se ka votuar, duke ju bërë thirrje edhe qytetarëve të tjerë që të shfrytëzojnë të drejtën e tyre të votës, shkruan lajmi.net.
“Mos mendo 2X, dil VVoto”, ka shkruar Shala, duke aluduar në votën për Vetëvendosjen.
Kujtojmë se kandidatët për kryetar komunash dhe për Kuvend Komunal nuk kanë të drejtë të bëjnë thirrje tek qytetarët për të votuar një subjekt të caktuar.
