Alb'swiss TV
Lajme

Komuna e Mitrovicës nuk do t’i zbukurojë sheshet këë vit

komuna-e-mitrovices-nuk-do-t’i-zbukuroje-sheshet-kee-vit

Komuna e Mitrovicës ka marrë vendim për të mos i zbukuruar sheshet këtë vit.

Sot është mbajtur mbledhja e radhës e Bordit të Drejtorëve në Mitrovicë, ku janë diskutuar dhe shqyrtuar çështje të rëndësishme nga fushëveprimi i Bordit, që janë në interes për qytetarët e Mitrovicës.

Në këtë mbledhje nënkryetari, Faruk Mujka, ka thënë se për shkak të gjendjes së krijuar nga pandemia Covid-19, këtë vit nuk do të dekorohen sheshet e qytetit të Mitrovicës, pasi që prioritet i komunës është shëndeti i qytetarëve dhe mbështetja e familjeve me gjëra ushqimore apo mjekësore që jetojnë në kushte jo të mira ekonomike.

Drejtori i Arsimit, Ismet Ferizi, ka njoftuar ekzekutivin lidhur me rekomandimin e Institutit Kombëtar të Shëndetësisë Publike për mbylljen e çerdhes publike “Gëzimi Ynë”, SHFMU “Eqrem Qabej”, SHMLT “Arkitekt Sinani” si dhe shkollën e muzikës “Tefta Tashko” pas rasteve të konfirmuara pozitiv me virusin Covid-19 të disa mësimdhënësve dhe nxënësve, ku nga IKShP-ja është kërkuar vetizolimi i stafit dhe nxënësve për 14 ditë, si dhe dezinfektimi i tërë objektit të çerdhes.

Me këtë rast, drejtori Ferizi bën të ditur se këto shkolla do të vazhdojnë mësimin online, sipas skenarit C të përcaktuar nga Ministria e Arsimit.

Gjithashtu lidhur me vendimin e MSH-së që vendosi Mitrovicën në zonën e kuqe, nënkryetari Faruk Mujka ka kërkuar nga qytetarët të respektojnë masat në fuqi, si dhe t’u shmangen ambienteve të mbyllura, pasi që këto ditë numri i të infektuarve në qytetin tonë ka qenë më i madh, dhe si pasojë e kësaj jemi futur në zonë të kuqe. Andaj bashkërisht duhet të tregohemi vigjilent dhe të kujdesshëm, sepse ne po detyrohemi t’i mbyllim institucionet relevante siç janë shkollat dhe çerdhet, me qëllimin e vetëm për të ruajtur shëndetin e fëmijëve tanë.

Të ngjajshme

Ministrja Bajrami vjen me njoftim të rëndësishëm për përfituesit e asistencës sociale

albswiss.com

Ja sa shkolla në Kosovë po ndjekin mësimin online

albswiss.com

Gjykata Kushtetuese sqaron se a do të mund të kandidojë Albin Kurti për deputet

albswiss.com