Alb'swiss TV
Lajme

Kryeministri Hoti paralajmëron tryezë të partive politike për presidentin

kryeministri-hoti-paralajmeron-tryeze-te-partive-politike-per-presidentin

Hoti paralajmëron tryezë të partive politike për presidentin.

Kryeministri i Kosovës, Avdullah Hoti, ka paralajmëruar se së shpejti do të organizohet një tryezë me të gjitha partitë politike për të parë nëse ka vullnet që të gjendet zgjidhja për postin e presidentit.

“Duhet të ndjekim vetëm një zgjidhje kushtetuese. Shpejt do të organizohet tryeza e partive politike për të parë disponimin e partive politike nëse ka disponim që të diskutohet për të gjetur një zgjidhje për presidentin e vendit”.

Derisa Ramush Haradinaj ka shpallur kandidaturën për president dhe PDK-ja insiston që ky post t’iu takojë atyre, shefi i qeverisë ka thënë se të gjitha do të diskutohen në këtë tryezë.

“Secila prej partive duket ka qëndrime të caktuara. Nuk jemi ulur në tryezë të partive politike parlamentare për të parë nëse ka vullnet që të zgjedhet një president, dhe nëse ka vullnet cilat janë propozimet e partive. E dimë propozimin e AAK-së, tash po duket edhe të PDK-së. Besoj që ditëve të ardhshme organizohet kjo tryezë dhe të shohim se si mund të shkojmë përpara”.

Në ndërkohë, ai ka deklaruar se do të respektohet cilido qoftë vendimi i Gjykatës Kushtetuese lidhur me votën e deputetit Etem Arifi dhe procesin e votimit të qeverisë në krye të së cilës është.

“Sa i përket Gjykatës Kushtetuese, ju e dini qëndrimin tonë që e kemi pasë standard që e kemi pasë. Çfarëdo vendimi që del nga ajo gjykatë do ta pranojmë dhe do të sillemi në përputhje me atë vendim”.

Të ngjajshme

E vizituar nga FSK-ja, Ferdonije Qerkezi rrëfen për emocionet që përjetoi për Vitin e Ri

albswiss.com

Armenia dhe Azerbajxhani me akuza të ndërsjella për shkelje të armëpushimit

albswiss.com

Bizneset që kanë përfituar nga Komuna, duhet t’i dorëzojnë këto dokumente

albswiss.com