Alb'swiss TV
Lajme

Likaj: Për realizimin e plan programit mësimor, do të diskutohet në ditët në vijim

likaj:-per-realizimin-e-plan-programit-mesimor,-do-te-diskutohet-ne-ditet-ne-vijim

Ministri i Arsimit Ramë Likaj, është shprehur i kënaqur që ka gjetur përkrahjen nga kryeministri Hoti për të zgjatur pushimin pas përfundimit të gjysmëvjetorit të parë shkollor.

“Për shkak të gjendjes aktuale pandemike, e cila tashmë mund të kombinohet edhe me gripin sezonal, gjeta përkrahje nga kryeministri i Kosovës, z. Hoti, ministri i Shëndetësisë, z. Zemaj, drejtori i IKShPK-së, z. Ramadani, në kërkesën time për ta zgjatur pushimin pas periudhës së parë të vitit shkollor 2020/2021”, ka shkruar Likaj në Facebook.

Lexo Edhe:
Infermierja nga Gjakova humbi jetën nga koronavirusi tre ditë para pensionimit
“Pra, periudha e parë, do të përfundojë më 18 dhjetor 2020 dhe do të zgjasë deri më 18 janar 2021”, tha ai.

Likaj ka thënë se për mënyrën e realizimit të plan programit mësimor, do të diskutojmë gjatë ditëve në vijim bashkë me akterë të tjerë të përfshirë në arsim.

“Gjatë këtyre ditëve, ju lutem mësimdhënësve, nxënësve dhe prindërve që të bashkëpunojnë ngushtë, në mënyrë që ta mbyllim me sukses këtë periudhë të vitit shkollor”, tha ai.

Tutje, ministri Likaj tha se bashkë mund të arrijmë suksese në arsim edhe në kushte pandemie.

Të ngjajshme

Ministri Zemaj me një minutë heshtje nderon punonjësit shëndetësorë që vdiqën prej COVID-19

albswiss.com

I dështuar dhe i padobishëm po vlerësohet rifillimi i dialogut në Bruksel

albswiss.com

Aderon në AAK ish deputeti i Maqedonisë

albswiss.com