Alb'swiss TV
Lajme

Mblidhen sot pesë komisione parlamentare

mblidhen-sot-pese-komisione-parlamentare

Në Kuvendin e Kosovës do të mblidhen sot pesë komisione parlamentare.

Komisioni për Çështje të Sigurisë dhe Mbrojtjes, Komisioni për Mbikëqyrjen e Financave Publike, Komisioni për Shëndetësisë dhe Mirëqenie Sociale, Komisioni për Ekonomi, Punësim, Tregti, Industri, Ndërmarrësi dhe Investime Strategjike si dhe Komisioni për Bujqësi, Pylltari, zhvillim Rural, Infrastrukturë dhe Mjedis, janë këto pesë komisionet që do të mblidhen sot.

Komisioni për Çështje të Sigurisë dhe Mbrojtjes që do të mblidhen në ora 10:00, në rend ditës përveç miratimit të rendit të ditës dhe procesverbaleve nga mbledhjet e mbajtura me datë 13.10.2020; 27.10.2020 dhe 10.11.2020 do të shqyrtojë në parim Projektligjin për plotësimin dhe ndryshimin e Ligjit Nr. 05 L/-015 për letërnjoftim. Më pas është dhe shqyrtimi i raportit të Ministrisë së Mbrojtjes rreth zbatimit të rekomandimeve të Zyrës Kombëtare të Auditimit për vitin 2019 si dhe do të jenë të gjeturat e raportit për vendin të Komisionit Evropian për vitin 2020.

Në ora 11:00 do të mblidhet Komisioni për Mbikëqyrjen e Financave Publike.

Fillimisht në rend ditës është miratimi i rendit dhe miratimi procesverbaleve nga mbledhja e mbajtur me 17.11.2020 e më pas shqyrtimi i raportit të auditimit për pasqyrat vjetore financiare të vitit 2019 për Kompaninë Regjionale të Ujitjes Drini i Bardhë ku të ftuar do të jenë kryesuesi i Bordit dhe Kryeshefi Ekzekutiv.

Po të njëjtën ora, pra në ora 11:00 do të mblidhet edhe Komisioni për Shëndetësi dhe Mirëqenie Sociale. Në këtë komision veç miratimeve të procesverbale dhe rendit të ditës është edhe shqyrtimi në parim i projektligjit për ndryshimin dhe plotësimin e Ligjit nr.04/L-054 për statusin dhe të drejtat e dëshmorëve, invalidëve, veteranëve e pjesëtarëve të Ushtrisë Çlirimtare të Kosovës, viktimave civile dhe familjarëve të tyre.

Ndërsa në ora 13:00 do të mblidhet Komisioni për Ekonomi, Punësim, Tregti, Industri, Ndërmarrësi dhe Investime Strategjike. Po ashtu në ora 13:00 do të mblidhet edhe Komisioni për Bujqësi, Pylltari, zhvillim Rural, Infrastrukturë dhe Mjedis.

Të ngjajshme

Këta janë dy kandidatët që ju bashkuan AAK-së në Suharekë

albswiss.com

Policia gjobiti afro 1 mijë e 800 qytetarë për mosrespektim të masave ndaj COVID-19

albswiss.com

Mustafa i drejtohet Osmanit: Nuk shkon edhe me Vetëvendosjen, edhe me Ibrahim Rugovën

albswiss.com