Messi mbetët në Barcelonë? Ky është premtimi i Laportës – Alb'swiss TV
Alb'swiss TV
Sport

Messi mbetët në Barcelonë? Ky është premtimi i Laportës

messi-mbetet-ne-barcelone?-ky-eshte-premtimi-i-laportes

Premitimi i Laportës për ta mbajtur Leo Messin.

Ndërkohë që mediat vijojnë të aludojnë për kontakte të vazhdueshme mes Lionel Messit dhe Paris Saint Germain, presidenti i sapozgjedhur i Barcelonës, Joan Laporta po studion një strategji për ta bindur argjentinasin të qëndrojë në “Camp Nou”.

Kontrata e 6 herë fituesit të Topit të Artë me klubin katalan është e vlefshme deri në fund të sezonit dhe Laporta duhet të lëvizë shpejt për ta bindur Messin të qëndrojë, para se argjentinasi të gjejë gjuhën e përbashkët me ndonjë klub tjetër.
Kështu sipas mediave pranë Barcelonës, Laporta po punon në mënyrë intensive për të verifikuar gjendjen ekonomike të klubit dhe njëkohësisht po përgatit edhe propozimin konkret për Messin, me të cilin pritet të ulet këto ditë në një takim të drejtpërdrejtë.

Natyrisht që kontrata e re që do t’i ofrohet “pleshtit” pritet të jetë me reduktim page, por Laporta synon ta bindë argjentinasin të rinovojë, pikërisht me projektin e detajuar për rikthimin e klubit të nivele të larta.

Pikërisht për këtë arsye, numri një i klubit katalan është gati të sjellë në “Camp Nou” dy emra të bujshëm me parametra zero, sulmuesin argjentinas Sergio Aguero, i cili është edhe mik i Messit dhe mbrojtësin austriak David Alaba.

Përveç tyre, argjentinasit pritet t’i garantohet edhe konfirmimi i trajnerit Koeman në pankinë, ashtu si edhe i të rinjve të talentuar si De Jong, Pedri e Ansu Fati. Megjithatë emri që mund të joshë jo pak Messin të qëndrojë në “Camp Nou” është ai i sulmuesit Erling Haalang.

Sulmuesi norvegjez po konfirmohet gjithmonë e më shumë me golat e vazhdueshëm dhe Laporta kërkon t’ua bëjë dhuratë tifozëve katalanë, me rastin e rikthimit të tij në zyrën e presidentit të klubit.

Krahas merkatos e projektit fitues, Laporta është gati t’i propozojë Messit edhe një kontratë afatgjatë si ambasador i klubit, pasi argjentinasi ta ketë mbyllur me futbollin e luajtur. Të gjitha këtyre, u shtohet edhe fakti që vetë Messi do të donte shumë të vijonte karrierën te Barcelona, aty ku u rrit dhe shkëlqeu si futbollist, ndaj rinovimi me katalanët bëhet gjithmonë e më i mundshëm.

Të ngjajshme

Reagon edhe Berisha pas kritikave për Challandes nga Valon Behrami

albswiss.com

Ky vend suspendon ndeshjet kualifikuese për Kupën e Botës, Qatar 2022

albswiss.com

Bie përgjysmë vlera e Rashicës

albswiss.com