Hat-trick i së shtunës kundër Benevento konfirmoi edhe më shumë rritjen e Dusan Vlahovic, qendër sulmuesit të Fiorentina i cili po tërheq vëmendjen e disa klubeve.
Sulmuesi serb i lindur në 2000 ka një kontratë me vjollcët deri më 30 qershor 2023 dhe për momentin nuk duket i gatshëm të konsiderojë rinovimin me klubin, pavarësisht ofertës së rëndësishme të presidentit Commisso i cili është i gatshëm të trefishojë pagën e tij (nga aktualisht 400 mijë euro në 1.2 milion euro neto në sezon).
ROMA DHE MILANI – Fiorentina po përpiqet në çdo mënyrë ta bëjë atë të ndryshojë mendje dhe ta bindë atë për të nënshkruar zgjatjen, por lojtari padyshim që është tërhequr nga mundësia për të luajtur në një klub më konkurrues dhe ambicioz.
Siç raportohet nga La Gazzetta dello Sport, në muajt e fundit Vlahovic ka marrë një propozim nga Roma, por tani ka një ekip tjetër të interesuar fort për të, përkatësisht Milani.
Verdhekuqtë do ta donin atë si një zëvendësues të Dzeko, ndërsa kuqezinjtë janë gati ta marrin atë dhe ta vendosin përkrah idhullit të tij Ibrahimovic për një sezon për ta bërë atë të rritet edhe më shumë.
Tani për tani, asnjë ofertë zyrtare nuk ka pasur, por drejtuesit e Milanit shpejt mund të dalin në sulm.
Të Dielën, ndër të tjera, është planifikuar Fiorentina-Milan, një shans shtesë për Djallin për të parë një nga afër sulmuesin e ri që ka një vlerësim rreth 40 milion euro.
