Domgjoni pranoi ftesën e Kosovës, FFK i uron mirëseardhje lojtarit.
Toni Domgjoni është futbollisti i radhës që ka pranuar ftesën e Përfaqësueses së Kosovës.
Federata e Futbollit e Kosovës sot (e premte) ka konfirmuar se Domgjoni ka pranuar ftesën.
Madje, anëtari i skuadrës holandeze, Vitesse, është përfshirë edhe në listën e futbollistëve të ftuar nga Bernard Challandes për ndeshjet e këtij muaji. Por, mbetet të shihet nëse me kohë do të paisjet me leje nga FIFA për të luajtur me Kosovën.
LEXO TE PLOTË: Bernard Challandes e publikon listën e futbollistëve të ftuar për ndeshjet e tetorit
”Dokumentacioni i Domgjonit nuk është i kompletuar akoma dhe ai mbetet në pritje të lejes nga FIFA në mënyrë që të ketë të drejtë të paraqitet në ndeshjet e muajit tetor dhe për këtë gjë Federata e Futbollit të Kosovës është duke bërë maksimumin. Në këtë aspekt, FFK-ja dëshiron të falënderojë edhe institucionet shtetërore, përkatësisht Presidencen dhe Ministrinë e Punëve të Brendshme për ndihmën e dhënë në paisjen e Domgjonit me pasaportën e Kosovës” – thuhet mes tjerash në njoftimin e FFK-së.
Federata e Futbollit e Kosovës gjithashtu i ka uruar mirëseardhje Domgjonit, teksa nga shtëpia e futbollit e kosovar shpresojnë që shembullin e 23-vjeçarit ta ndjekin edhe futbollistët e tjerë nga Kosova që janë në Evropë.
