Së fundmi, është raportuar se agjenti i Erling Haaland, Mino Raiola, është parë duke udhëtuar për në Spanjë që të takohet me përfaqësuesit e Barcelonës dhe Real Madrid.
Raiola ka planifikuar disa takime për të biseduar më gjerësisht për të ardhmen e lojtarit të tij dhe kësisoj të vendoset përfundimisht e ardhmja e tij.
Haaland, i cili është një nga emrat më të përmendur këtë sezon, po kalon një formë të jashtëzakonshme dhe po kërkohet nga shumë klube evropiane.
Një ‘El-Clasico’ mes Barcelonës dhe Real Madrid pritet të zhvillohet edhe në afatin kalimtar të verës, kur edhe klubet do luftojnë se cila do të sigurojë shërbimet e norvegjezit.
Raiola megjithatë, pritet që të udhëtojë sot në Londër që të takohet edhe me tri klube të tjera, Liverpool njëri prej tyre.
Raportohet se dy klubet e tjera mund të jenë Chelsea dhe Manchester City, të cilat kanë monitoruar nga afër situatën e lojtarit.
