Kush me kë do të përballet në gjysmëfinale dhe orari i ndeshjeve.
Është hedhur shorti për fazën çerekfinale të Europa League, derisa janë mësuar edhe përballjet e mundshme në gjysmëfinale.
Manchester United, qe e eliminoi Milanin, në çerekfinale do të ketë punë me Granaden.
Arsenali do të përballet me Slavia Pragën, Roma me Ajaxin, ndërsa Villarreali me Dinamo Zagrebin.
Gjithashtu, në shortin që u hodh në Nyon te Zvicrës, janë mësuar edhe përballjet e mundshme në gjysmëfinale të Champions League.
Fituesi i duelit mes Man United dhe Granadës, do të përballet me fituesin e duelit Ajax vs Roma.
Fituesi i duelit mes Arsenalit dhe Slavia Pragës, do të ketë punë në gjysmëfinale me fituesin e duelit Villarreal vs Dinamo Zagreb.
Ndeshjet e para çerekfinale do të zhvillohen me 8 prill, ndërsa ato të kthimit me 15 prill.
Ndërsa ndeshjet e para gjysmëfinale do të zhvillohen me 29 prill, ndërsa ato të kthimit me 6 maj.
Finalja do të zhvillohet me 26 maj në “Gdansk Stadium”, në Gdańsk të Polonisë.
