Alb'swiss TV
Lajme

Plani disa pikësh i Biden: Marrëveshja gjithëpërfshirëse Kosovë-Serbi, duke respektuar integritetin territorial

plani-disa-pikesh-i-biden:-marreveshja-gjitheperfshirese-kosove-serbi,-duke-respektuar-integritetin-territorial

Joe Bideni thotë se do të punojë të arrihet marrëveshja gjithëpërfshirëse Kosovë-Serbi duke respektuar integritetin territorial.

Kandidati për president të SHBA-së, Joe Biden, e ka publikuar një plan disa pikësh, ku ka shpalosur se do të duken marrëdhëniet e Amerikës me Kosovën dhe Shqipërinë.

Në letrën e dërguar nga komiteti shqiptaro-amerikan thotë se Pavarësia e Kosovës është e pakthyeshme dhe në përputhje me të drejtën ndërkombëtar.

Tutje thotë se duhet të anulohet qasja e Administratës Trump ndaj Kosovës dhe Serbisë, duke rivendosur drejtësinë dhe barazinë në marrëdhëniet mes tyre dhe duhet punuar drejt një bashkëpunimi më të madh.

“Ai do të punojë në partneritet me Bashkimin Evropian për të ringjallur dialogun midis Kosovës dhe Serbisë, me qëllimin për të lehtësuar një zgjidhje stabilizuese – të drejtë dhe gjithëpërfshirëse midis dy vendeve që respekton integritetin territorial të Kosovës dhe të arrihet njohja reciproke”, thuhet në deklaratë.

Po ashtu Biden thotë se do të mbështesë dënimin e krimeve në Kosovë, dhe do të kërkojë drejtësi për të zhdukurit, duke përmendur edhe vëllezërit Bytyqi.

Ndër të tjera, përmend edhe çështjen e liberalizimit të vizave për Kosovën, si dhe hapat për integrimin në Bashkimin Evropian, përfshirë marrëveshjen e Stabilizim Asociimit.

Joe Biden po ashtu ka treguar se e ka mbështetur ndërhyrjen e NATO-s në vitin 1999 për çlirimin e Kosovës.

Në letër thuhet po ashtu se do të përkrahë Shqipërinë dhe integrimin e saj në BE.

Të ngjajshme

Rrëfimi i babait të 5-vjeçares që e shkeli vetura: Çikën ma mbyti në trotuar duke garuar me një veturë tjetër

albswiss.com

Dyshohet se tre të rinj dhunuan 15-vjeçaren me çrregullime psikike në një motel të Gjilanit

albswiss.com

Publikohet lista, këta janë politikanët që përfituan nga privatizimi

albswiss.com