Trajneri i Real Madridit, Zinedine Zidane tha se ‘mund të jetë’ e vërteta në thashethemet e rikthimit të sulmuesit të Juventusit, Cristiano Ronaldo në klub.
Trajneri francez u intervistua nga ‘Sky Sport’ përpara ndeshjes së kthimit kundër Atalantës në takimin e 1/16 së finales në Ligën e Kampionëve.
“Po, mund të jetë,” u përgjigj Zidane. “Ne e njohim Cristianon, e njohim se çfarë personi që është dhe gjithçka që ai ka bërë këtu.
“Por tani ai është një lojtar i Juventusit dhe ne duhet ta respektojmë këtë.
“Tani, le të shohim se cila do të jetë e ardhmja. Kam pasur fatin ta trajneroj dhe ai është shumë mbresëlënës. Tani për tani, ai po ndihmon Juventusin”, tha ai.
