Presidenti i Milanit Paolo Scaroni ka parashikuar që llogaritë e klubit do të duken edhe më të shëndetshme për sezonin 2021-22 ndërsa vazhdon ringjallja financiare.
Calcio e Finanza dhe MilanNews të dy kohët e fundit raportuan se viti i kontabilitetit është mbyllur në mënyrë efektive me një humbje prej 96.4 milionë euro, një përmirësim i dukshëm në krahasim me atë të sezonit 2019-20 kur totali ishte në -194.6 milionë euro, që ishte një humbje rekord për Milano, përcjell ORAinfo.
Buxheti 2020-21 sigurisht që vuajti për shkak të ndikimit të Covid për shkak të stadiumeve të mbyllura që reduktuan në mënyrë drastike rrjedhën kryesore të të ardhurave, por ka një pozitiv tjetër në faktin se Milani gjithashtu nuk ka borxhe me bankat, si dhe nuk ka borxhe obligacionesh e cila, sipas raportit, është një shenjë e soliditetit ekonomik nga ana e aksionarëve të shumicës.
Duke folur drejtpërdrejt në transmetimin ‘Tutticonvocati’ të Radio 24, presidenti i Milanit foli për projektin e klubit dhe ku qëndron vizioni për të ardhmen.
“Bilanci ynë është përmirësuar në krahasim me vitin e kaluar pavarësisht nga Covid. Një pjesë e rëndësishme e humbjeve tona janë për shkak të stadiumeve të zbrazëta, por edhe të sponsorëve më pak të interesuar. Pres që bilanci 21-22 të përmirësohet ndjeshëm”, tha ai.
“Në fushë, projekti ka bërë hapa të mëdhenj përpara. Ne kemi një ekip të ri dhe të balancuar. Ne gjithashtu kemi bërë përparim në kostot e ekipit ndërsa në të ardhurat kemi pasur goditjen e madhe të Covid”, pohoi ai. /ORAinfo/
