Alb'swiss TV
Lajme

Shifra alarmante: Ky është bilanci i koronavirusit në Kosovë

shifra-alarmante:-ky-eshte-bilanci-i-koronavirusit-ne-kosove

Rreth 14 mijë raste aktive me koronavirus në Kosovë, 989 të vdekur e mbi 23 mijë të shëruar.

Që nga konfirmimi i rasteve të para me koronavirus në Kosovë, nga 13 marsi, e deri më tani janë shënuar gjithsej 38 mijë e 431 raste pozitive. Deri më tani janë shëruar 23 mijë e 754 persona, derisa si pasojë e koronavirusit kanë vdekur 989 persona.

Instituti Kombëtar i Shëndetësisë Publike të Kosovës, mesditën e së shtunës ka publikuar të dhënat e fundit rreth situatës me koronavirus në vend.

IKSHPK njoftoi se në 24 orët e fundit kanë vdekur 14 persona të infektuar me koronavirus, janë shëruar 480 dhe janë konfirmuar 639 raste të reja.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.565 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 639 raste pozitive.Brenda 24 orëve janë raportuar 14 raste të vdekjes me SARS CoV-2 pozitiv. Rastet e vdekjes janë nga komunat: Prizren 4 raste (80, 73, 67, 50 vjeç), Viti 3 raste (76, 75, 73 vjeç), Gjakovë 2 raste ( 79, 61 vjeç), Prishtinë 2 raste (62, 55 vjeç), Mitrovicë 1 rast (74 vjeç), Obiliq 1 rast (69 vjeç) dhe Suharekë 1 rast (76 vjeç)”, ka njoftuar IKSHPK.

Ndërkohë, 13 mijë e 688 kosovarë janë duke u përballur me koronavirusin.

“Numri total i rasteve pozitive është 38.431 raste nga 141.264 persona të dyshimtë në virusin SARS-CoV-2 dhe 989 raste të vdekjes. Gjatë 24 orëve të fundit, janë shëruar 480 pacientë derisa numri i përgjithshëm i të shëruarve deri më sot është gjithsej 23.754 raste, kurse numri i rasteve aktive është 13.688”, ka bërë të ditur IKSHPK.

Prishtina vazhdon të mbetet komuna me më së shumti raste pozitive. Të shtunën në kryeqytet janë shënuar edhe 243 raste të reja me koronavirus.

“Rastet pozitive janë nga komuna Prishtinë 243 raste, Mitrovicë 60 raste, Pejë 41 raste, Fushë-Kosovë 36 raste, Gjakovë 35 raste, Vushtrri 29 raste, Podujevë 24 raste, Klinë 20 raste, Prizren 20 raste, Lipjan 19 raste, Ferizaj 17 raste, Drenas 11 raste, Istog 11 raste, Rahovec 11 raste, Gjilan 10 raste, Skenderaj 10 raste, Obiliq 9 raste, Suharekë 9 raste, Shtime 7 raste, Deçan 4 raste, Malishevë 4 raste, Viti 4 raste, Hani i Elezit 2 raste dhe me nga 1 rast komunat Dragash, Junik dhe Zubin-Potok”, bëhet e ditur në njoftim.

Të ngjajshme

Pronarët e operatorit që dyshohet se i mori 2 mln euro nga Thesari, në arrati

albswiss.com

Maloku: Edi Rama meriton një embargo politike dhe një leçitje morale të kosovarëve

albswiss.com

VV e shtinë në listë për deputet edhe babin e Astrit Deharit

albswiss.com