Alexis Sanchez ishte më meritori në fitoren 2-1 të Interit ndaj Parmës, me ç’rast kanë thelluar diferencën e pikëve me Milanin në gjashtë pikë.
Pas ndeshjes, Sanchez festoi golat duke thënë se ndjehet si një luan në kafazin e tij, çdo herë që luan ndjehet më mirë.
Kiliani i ndihmoi klubit të Contes që të marrë fitoren e gjashtë radhazi në Serie A.
“Ishte një ndeshje e mirë, Parma luajti shumë mirë, gjithashtu edhe ne. Në fund treguam se jemi në rrugën e duhur për të fituar Scudetto”, tha Sanchez për Sky Sport Italia, transmeton lajmi.
Sanchez tregoi se motivimin kryesor “Nerazzurri” këtë sezon e kanë gjetur pasi kanë humbur finalen e Ligës së Evropës.
“Jam një lojtar me eksperiencë të madhe, kam fituar besimin e trajnerit tim dhe jam i lumtur. E dua këtë sport, jam duke punuar si asnjëherë më parë”, përfundoi ai.
