Federata e Lundrimit e Kosovës ka mbajtur sot Kuvendin Zgjedhor për ciklin e ardhshëm olimpik.
Në Kuvend janë zgjedhur organet e reja, ndërsa të pranishëm ishin 17 nga 20 delegatë të pesë klubeve.
Delegatët unanimisht ia besuan Arbër Reçit pozitën e kryetarit edhe për një mandat, ndërsa nënkryetar u zgjodh, Shasivar Haxhijaj.
Në Kuvend u miratuan të gjitha pikat e Rendit të Ditës.
Kryetari Reçi duke falënderuar delegatët për besimin, foli për sfidat me të cilat u përballë federata në vitet e fundit, derisa theksoi se federata ka blerë lundrat në Maqedoninë e Veriut, dhe me to federata dhe klubet do të organizojnë aktivitete.
Anëtarë të Komitetit Ekzekutiv u zgjodhën edhe Kaltrina Suka, Shend Gjonbalaj, Abdullah Durmishi, Arjeta Miftari, Burbuqe Ahmetaj, Bujar Hamiti dhe Kushtrim Maksutaj.
