Alb'swiss TV
Lajme

Sot votojnë për kryetarin e komunës Podujeva dhe Mitrovica e Veriut

sot-votojne-per-kryetarin-e-komunes-podujeva-dhe-mitrovica-e-veriut

Podujeva dhe Mitrovica e Veriut votojnë sot për kryetarin e komunës.

Qytetarët e Podujevës dhe veriut të Mitrovicës, nën masat anit-covid, sot do të kenë të drejtë të zgjedhin kryetarin e tyre, i cili do të ketë mandat deri në zgjedhjet e ardhshme komunale të vitit 2021.

Komuna e Mitrovicës Veriore ka mbetur pa kryetar nga muaji qershor, pasi Goran Rakiq nga Lista Serbe është emëruar zëvendës kryeministër dhe ministër i Administratës dhe Pushtetit Lokal në Qeverinë e Kosovës, ndërsa Milan Radojeviq i Listës Serbe, Florent Azemi i PDK-së, Erden Atiq i Vetëvendosjes dhe Dushan Millunoviq kandidat i pavarur, janë në garë për mandatin e kryetarit.

Në këtë komunë janë 7 Qendra të Votimit me gjithsej 27 Vendvotime, ku të drejt vote kanë 23,313.

Gjithashtu, edhe komuna e Podujevës, ka mbet pa kryetar që nga muaji qershor, pasi Agim Veliu i Lidhjes Demokratike të Kosovës, është emëruar ministër i Punëve të Brendshme në Qeverinë e Kosovës. Në garë për të parin e komunës, janë Naim Fetahu i PDK-së, Nexhmi Rudari i LDK-së dhe Shpejtim Bulliqi i LVV-së.

Në këtë komunë janë 45 Qendra të Votimit me gjithsej 115 Vendvotime., ku të drejt vote kanë 87,381 persona.

Të ngjajshme

Arritja e marrëveshjes Kosovë – Serbi, Trump e dekoron Richard Grenellin

albswiss.com

Serbët e veriut të Kosovës po marrin dozën e dytë të vaksinës në Rashkë

albswiss.com

Vuçiqi pozicionhet: Politika e Bidenit s’është në favor të Serbisë, me Trumpin do të ishte disi më lehtë

albswiss.com