Lajm i rëndësishëm për ata që synojnë të doktorojnë në Universitetin e Prishtinës
Universiteti “Hasan Prishtina” në kryeqytet ka shpallur konkurs për pranimin e studentëve në studimet e doktoratës për vitin akademik 2021/22, e që do të jetë i hapur deri më 11 shkurt 2022.
Sipas njoftimit, numri i studentëve që mund t’i bashkohen UP-së në programet e ofruara është 67, ku prej tyre nëntë i përkasin komunitetit jo-shumicë.
Njëra ndër kushtet e konkursit është se të gjithë ata që duan të aplikojnë duhet ta kenë notën mesatare jo më të ulët se 8.00 në nivelin Baçelor dhe atë Master.
