Sergio Agueros do të largohet në fund të sezonit nga Manchester City.
Juventusi dhe Interi janë futur në garë për shërbimet e Sergio Agueros, i cili do të largohet nga Manchester City në fund të këtij sezoni.
Aguero njoftoi se do të largohet nga Manchester City falas në verë dhe raportohet se Barcelona, Interi, PSG-ja dhe Juventusi janë klubet e mundshme ku argjentinasi mund ta vazhdojë karrierën.
Përfaqësuesi argjentinas i mbush 33 vjet në verë dhe do t’i japë fund karrierës 10-vjeçare me gjigantin e Premierligës në qershor.
Sipas Footmercato në Francë, menaxheri i Agueros i ka marrë tashmë pesë oferta formale për të.
Nga klube si Inter, Barcelona, Chelsea, PSG-ja dhe nga rivali i qytetit Manchester United.
Por sipas ESPN, edhe Juventusi është bindshëm në garë për të bashkë me Barcelonën dhe PSG-në.
Në Spanjë, mediat raportojnë se Barcelona nuk do të bëjë ofertë për të, sepse trajner Ronald Koeman nuk mendon se Kun i përshtatet ekipit të tij.
Aguero i bëri vetëm 14 paraqitje për Manchester City këtë sezon, duke i shënuar tri gola.
