Vlora Çitaku i reagon Abazoviqit: Foli ministrit tënd të Drejtësisë.
Ish-ambasadorja e Kosovës në ShBA, Vlora Çitaku i ka reaguar zëvendëskryeministrit të Malit të Zi, Dritan Abazoviq lidhur me gjenocidin e kryer në Srebrenicë.
Çitaku i ka kërkuar Abazoviqit që të flas me Ministrin e Drejtësisë së Malit të Zi lidhur me këtë çështje.
“Foli Ministrit tënd të Drejtësisë”, ka shkruar Çitaku.
Zëvendëskryeministri i Malit të Zi, Dritan Abazoviq i ka reaguar ashpër deklaratës së ministrit të Drejtësisë dhe Pakicave në këtë shtet, Vladimir Leposavic, i cili pyetjes nëse ishte i gatshëm të pranonte që në Srebrenicë ka ndodhur gjenocid, iu përgjigj duke thënë se nuk mund të njihte një ngjarje “për të cilën nuk ka njohuri”
Pas reagimit të Bashkimit Evropian, ka reaguar edhe Abazoviq përmes një shkrimi në Twitter.
Ai ka thënë se në Srebrenicë ka pasur gjenocid, e se Qeveria e Malit të Zi i respekton të gjitha gjyqet ndërkombëtare.
