Portieri i Përfaqësueses së Italisë, Gianluigi Donnarumma është i frustruar pas transferimit të tij te Paris Saint-Germaini gjatë afatit kalimtar të verës.
“Corriere della Sera” ka raportuar të premten se Donnarumma po kërkon largimin nga ekipi francez për shkak se aspak nuk është i kënaqur me situatën e tij.
Prejse iu bashkua Parisit si lojtar i lirë, Donnarumma është rezervist i Keylor Navasit dhe deri më tani, ka regjistruar vetëm dy paraqitje në kampionat.
E situatën e Donnarummas po e përcjellë skuadra e Juventusit që ka shprehur interesim për portierin italian nëse largohet nga PSG-ja. 22-vjeçari ka kontratë me ekipin francez deri në vitin 2026.
