Dy vdekje në Shqipëri pas vaksinës kineze, mjeku Dasho kërkon ndërprerjen e procesit – Alb'swiss TV
Alb'swiss TV
Lajme

Dy vdekje në Shqipëri pas vaksinës kineze, mjeku Dasho kërkon ndërprerjen e procesit

dy-vdekje-ne-shqiperi-pas-vaksines-kineze,-mjeku-dasho-kerkon-nderprerjen-e-procesit

2 vdekje në Shqipëri pas vaksinës kineze, mjeku Dasho kërkon ndërprerjen e procesit.

Mjeku Erion Dasho kërkon që, të paktën përkohësisht, të ndërpritet procesi i vaksinimit në Shqipëri, me vaksinën CoronaVac.

Në një postim në Facebook, ai thotë: “Për shkak të të paktën dy vdekjeve të papritura midis personave që kanë kryer vaksinën CoronaVac (një prej të cilave rast i investiguar personalisht që humbi jetën një ditë pas vaksinimit), i rekomandoj Ministrisë së Shëndetësisë, Komitetit të COVID dhe Komitetit të Imunizimit të pezullojnë përkohësisht fushatën e imunizimit me CoronaVac deri sa këto vdekje të investigohen dhe të provohen si të palidhura me vaksinën në fjalë”.

“Kjo thirrje nuk ka aspak qëllim të ngjallë panik dhe të dëmtojë një proces të dobishëm siç është imunizimi ndaj COVID”, shton Dasho. “Thjesht është në përputhje me praktikat e mira ndërkombëtare të farmakovigjilencës. Dy humbje jete midis rreth 50 mijë të vaksinuarve është një tregues që kërkon kujdes të jashtëzakonshëm! Mbetem i hapur për të komunikuar me përfaqësues të ministrisë dhe komitetit lidhur me rastin që kam investiguar personalisht”.

Të ngjajshme

Reagimi i Sali Berishes pas zgjedhjes së Abdixhikut kryetar i LDK-së

albswiss.com

Ambasada e Britanisë: Qeveria në detyrë të mos i emërojë Bordet deri sa të formohet qeveria e re

albswiss.com

“Çka m’vyn jeta me m’shku ky djalë?”, flet babai i rojes së plagosur në tentim-grabitjen e djeshme

albswiss.com