Një 13-vjeçar është gjetur pa shenja jete në Malishevë.
Viktima është nga një fshat i komunës së Rahovecit, derisa ende nuk dihen arsyet e vdekjes së tij.
Lajmin e kanë konfirmuar nga Qendra Kryesore e Mjekësisë Familjare në Malishevë, derisa kanë thënë se rasti ka ndodhur në afërsi të një restauranti në këtë komunë.
“Jemi duke pritur mjekësinë ligjore. Pacienti ka ardhur në QKMF në Malishevë pa shenja jete. Personi në fjalë është nga fshati Zatriq i Rahovecit, por që ngjarja ka ndodhur në afërsi të një restauranti në Malishevë. Mirëpo, arsyet e vdekjes së tij nuk dihen ende”, thanë nga QKMF Malishevë.
