Hoti tregon se kur do të vijnë vaksinat e para anti Covid – Alb'swiss TV
Alb'swiss TV
Lajme

Hoti tregon se kur do të vijnë vaksinat e para anti Covid

hoti-tregon-se-kur-do-te-vijne-vaksinat-e-para-anti-covid

Hoti: Vaksina pritet të vijë në fund të marsit, do të fillojë vaksinimi menjëherë.

Kryeministri në detyrë, Avdullah Hoti sot ka takuar ministrin e Shëndetësisë, Armend Zemaj, drejtorin e IKSHPK-së, Naser Ramadanin dhe drejtorin e SHSKUK-së, Valbon Krasniqin me të cilët kanë vendosur që të mbesin në fuqi masat e njëjta anti COVID-19.

Hoti përmes një postimi në rrjetin social “Facebook”, ka njoftuar për takimin me krerët e institucioneve të Shëndetësisë dhe që masat e njëjta do të mbesin në fuqi.

Gjithashtu, Hoti ka treguar se deri në fund të muajit pritet të arrij kontingjenti i pari prej 33 mijë dozave të vaksinës COVAX dhe do të filloj vaksinimi i qytetarëve.

Postimi i plotë:

“Në takim me ministrin e Shëndetësisë, z. Armend Zemaj, drejtorin e IKSHPK-së, z. Naser Ramadani dhe me drejtorin e SHSKUK-së, z. Valbon Krasniqi, vendosëm që të mbesin në fuqi masat e njëjta anti Covid-19.

Institucionet shëndetësore po funksionojnë me kapacitete të plota, furnizimi me barna është stabil, ndërsa deri në fund të muajit pritet të arrij kontingjenti i parë i prej 33 mijë dozave të vaksinës COVAX dhe menjëherë të filloj vaksinimi i qytetarëve.

Nga qytetarët kërkuam që të respektojnë distancën fizike, të përdorin maskat dhe të mirëmbajnë higjienën personale. Ndërsa institucionet përgjegjëse të shtojnë angazhimin për parandalimin, menaxhimin dhe kontrollin e infeksionit COVID-19 përmes respektimit rigoroz të masave në fuqi.”

Të ngjajshme

Është emri me i përfolur për kryetar të LDK-së, vjen reagimi i parë nga Kujtim Shala

albswiss.com

7 të vdekur dhe 564 raste të reja me Covid-19 në 24 orët e fundit në Kosovë

albswiss.com

Nuk arriti të bëhet deputet, Hysen Durmishi merr këtë pozitë në Qeverinë ‘Kurti2’

albswiss.com