Djali i Samuel Eto’o nënshkruan për Vitoria Guimaraes.
Klubi portugez, Vitoria Guimaraes, ka njoftuar se e ka transferuar Etienne Eto’o si futbollist të lirë për ekipin e tyre U-23.
Djali i legjendës Samuel Eto’o tash do të vazhdoj të zhvillohet brenda grupmoshave të klubit të tij të ri, në përpjekje që të përfshihet në ekipin e parë.
19-vjeçari ka qenë pa klub prej se u largua nga klubi spanjoll, Real Oviedo, në fund të sezonit 2020/2021.
Vitoria Guimaraes U-23 aktualisht luan në Liga Revelacao U-23 dhe është në vend të tretë në tabelë me gjashtë pikë të arkëtuara nga tri ndeshje.
Etienne është pjesë e Kamerunit U-20, si edhe ka luajtur për ekipet e reja të Mallorca, Baleares e Oviedo.
Ai ishte pjesë e skuadrës së Kamerunit nën 20 vjeç që mori pjesë në Kupën e Kombeve të Afrikës U-20 që u mbajt në Mauritania.
