Gjigantët anglez duan transferimin e Kessie.
Mesfushori duket se nuk do të rinovojë kontratën me Milanin.
Franck Kessie ka kontratë të vlefshme me Milanin deri në qershor të vitit 2022, transmeton lajmi net.
Palët prej kohësh kanë nisur bisedimet për një marrëveshje të re, megjithatë thuhet se futbollisti po kërkon pagë rreth 8.5 milionë euro në sezon, ndërsa klubi aktualisht nuk ofron më shumë se 7 milionë euro.
Kjo ka bërë që shumë klube evropiane të shprehin interesim për shërbimet e futbollistit 24-vjeçar.
Sipas mediave angleze, Man City, Man Utd dhe Liverpool janë të interesuar në transferimin e mesfushorit vitin e ardhshëm si futbollistë i lirë.
Përveç ekipeve nga Anglia, është edhe gjiganti francez Paris Saint-Germain që do të tentojë transferimin e tij.
Megjithatë, Milani nuk pritet të dorëzohet dhe do të vazhdojë përpjekjet e rinovimit me Kessien pasi nuk duan ta humbin falas verën tjetër.
