Zbulohen detajet e marrëveshjës së Ibrahimovicit me Milanin.
Milani dhe Zlatan Ibrahimovic do ta vijojnë bashkëpunimin edhe për një vit tjetër, pasi raportohet se kanë arritur marrëveshje për vazhdimin e kontratës për edhe një vit tjetër.
Mediat italiane raportojnë se, pas një jave bisedimesh përfaqësuesi i Suedisë, ka rënë në ujdi me kuqezinjtë për kontratë 6.5 milionë euro deri në qershor të vitit 2022.
Paga e tij do të rritet në 7 milionë euro nëse ai i përmbush bonuset, sipas SportMediaset.
Sipas mediumit italian, 39-vjeçari pritet ta nënshkruajë marrëveshjen nesër, edhe pse Sky Sport Italia raporton se do të ndodhë në 10 ditët e ardhshme.
Ai do t’i fitojë gjysmë milioni euro bonus nëse Milani kualifikohet në Ligën e Kampionëve sezonin e ardhshëm.
39-vjeçari i ka shënuar 15 gola në 16 ndeshje në Serie A deri tani këtë sezon.
Ai u kthye në Kombëtaren e Suedisë për ndeshjet kualifikuese të Kupës së Botës 2020 muajin e kaluar dhe u paraqit kundër Kosovës në Prishtinë.
