Man Utd arrin marrëveshje me Lokomotiv Moscow për Rangnick
Manchester United ka arritur një marrëveshje në parim me Lokomotivën e Moskës për Ralf Rangnick.
Gjermani pritet të bëhet trajner i përkohshëm i “Djajve të Kuq” deri në fund të sezonit aktual.
Kontratat pritet të nënshkruhen këtë fundjavë që Rangnick të marrë përgjegjësinë e përkohshme deri në fund të sezonit. Marrëveshja e Rangnick përmban edhe dy vjet të tjera në një rol konsulence në Old Trafford.
Sky Sports News ka mësuar se nënkryetari ekzekutiv i United Ed Woodward ka kërkuar për dy vite shtesë duke pasur parasysh nivelin e ekspertizës së Rangnick.
Manchester United beson fuqishëm se Rangnick do të ofrojë njohuri dhe burime të vlefshme në anën e futbollit përtej fundit të sezonit.
