Presidentja e Kosovës, Vjosa Osmani, ia ka huqur sot gjatë fjalimit në Këshillin e Sigurimit të OKB-së.
Ajo e ka ngatërruar Zoran Djindjicin, ish-kryeministrin e Serbisë me Boris Tadiqin, që ka qenë ish-president i Serbisë, shkruan lajmi.net.
Madje Osmani ka thënë se Boris Tadiq është vrarë në Serbi, teksa ai ende vazhdon të jetë i gjallë.
Më vonë, Osmani e ka përmirësuar gabimin e saj dhe ka thënë se fjalën e kishte për Djindjicin, mirëpo që këtu sërish ka bërë një huqje.
Kjo pasi që siç raportohet, Osmani është dëgjuar duke iu referuar Djindjicit si ish-president i Serbisë, mirëpo që i njëjti ishte ish-kryeministër.
