Ambasada franceze iu bën thirrje deputetëve të qëndrojnë në sallë për zgjedhjen e presidentit.
Ambasada e Francës në Kosovë ka bërë thirrje që deputetët të qëndrojnë në sallën e Kuvendit derisa votohet për presidenten.
Në një postim në Facebook thuhet se Kosovës i duhen institucione të qëndrueshme për reformat e nevojshme.
“Kosova ka nevojë për institucione funksionale dhe të qëndrueshme në mënyrë që reformat për të cilat vendi ka nevojë të zbatohen shpejt”, thuhet në mesazhin e publikuar në llogarinë e Ambasadës në Facebook.
“Prandaj, është e një rëndësie të madhe që deputetët të marrin pjesë sonte në zgjedhjen e Presidentit”.
Më parë ishte ambasadori amerikan në Kosovë, Philip Kosnett, ai i cili ka kërkuar nga të gjithë deputetët që të qëndrojnë në sallë, në mënyrë që të bëhet kuorumi për votimin e presidentit.
