Një mërgimtar nga Kamenica që jeton në Zvicër nuk ka shfrytëzuar mundësinë e votimit përmes postës, për zgjedhjet lokale që po mbahen sot në Kosovë, pasi thotë se “vota e tyre po zhduket”.
Prandaj ai ka vendosur të udhëtojë për Kosovë, por që kjo i ka kushtuar më shumë se sa të votonte me postë, duke paguar kështu afër 400 euro.
“Përmes postës po na humbin votat, edhe po kushton. Me postë kemi pagu 80-100 frang, e kemi vërejtur që ajo votë po zhduket.
Kështu që e kom vendos që me pagu ma shtrenjtë edhe me ardhë me jep votën. Biletën e kom pagu 420 frang (afër 400 euro).”, ka thënë ai.
