Presidenti i Serbisë, Aleksandar Vuçiq, duke folur për luftën në Ukrainë, ka thënë për TV Prva, se është interesant që po shkohet në drejtim të konflikteve të reja. Ai e ka quajtur domethënëse dhe brengosëse deklaratën e presidentit amerikan Biden se “duhet të përgatitemi për luftë të gjatë”.
“Bajden-in e njoh si njeri të kujdesshëm, i cili përgatit gjithçka. Në bisedën tonë të parë, unë kam kuptuar se ka ekip që e përgatit tepër mirë, prandaj këtë nuk e ka thënë rastësisht”, është shprehur Vuçiq.
