Shefja e deputetëve të Lëvizjes Vetëvendosje Mimoza Kusari – Lila pas mbledhjes së kryesisë ka thënë se seanca për presidentin do të mbahet sonte në ora 18:00.
E pyetur nga gazetarët lidhur me vendimin e Lidhjes Demokratike të Kosovës të cilët thanë se nuk do të marrin pjesë në seancë pa u tërhequr Ligji, Kusari tha se VV-ja ka hequr dorë dje nga procedura e shpejtë pas votimit në Kuvend.
Ajo ka bërë një lojë fjalësh duke thënë se Lëvizja Vetëvendosje është tërhiqur nga procedura e përshpejtuar, por nuk ka thënë se është tërhequr nga ligji.
Tutje, Kusari – Lila ka thënë se i ka kërkuar Arben Gashit përgjigje garantuese për pjesëmarrje në seancë nëse do të tërhiqet VV-ja edhe formalisht nga ky ligj, duke e kushtëzuar kështu prezencen ose mosprezencën e LDK-së.
Mbetet të shihet se cilat do të jenë zhvillimet në skenën politike kosovare deri sonte në ora 18:00.
Në rast se dështon zgjedhja e presidentit sonte, atëherë vendi do të shkojë automatikisht në zgjedhje të parakohshme.