Në 24 orët e fundit kanë vdekur pesë persona dhe janë konfirmuar 160 raste të reja me koronavirus.
Konfirmimi i këtyre rasteve ka ardhur pas testimit të rreth 5 mijë mostrave.
“Nga 4.904 testime, 160 qytetarë kanë rezultuar pozitiv me virusin COVID-19. Gjatë 24 orëve të fundit, janë shënuar 5 raste të vdekjes. Sot janë shëruar 1.039 qytetarë, derisa numri i përgjithshëm i të shëruarve është 149.820. Në total numri i rasteve aktive është 6.751”, ka njoftuar Ministria e Shëndetësisë.
Ministria ka njoftuar edhe për shërimin e mbi 1 mijë pacientëve dhe vaksinimin e mbi 16 mijë qytetarëve.
Aktualisht, raste aktive janë mbi 6 mijë e 700.
